[Милана]

Молитва Ангелу-хранителю



О святый Ангеле, хранителю и покровителю мой благий! С сокрушенным сердцем и болезненною душею предстою ти, моляся: услыши мя, грешного раба своего (имя), с воплем крепким и плачем горьким вопиющаго: не помяни моих беззаконий и неправд, имиже аз окаянный прогневляю тя по вся дни и часы и мерзостна себе творю пред Создателем нашим Господем явися мне милосерд и не отлучайся мене сквернаго даже до кончины моея, возбуди мя от сна греховнаго и пособствуй твоими молитвами прочее время живота моего без порока прейти и сотворити плоды достойны покаяния, паче же от смертных падений греховных соблюди мя, да не погибну во отчаянии, и да не порадуется враг о погибели моей. Вем воистину и усты исповедую, якоже никтоже таков друг и предстатель, защититель и поборник, якоже ты, святый Ангеле: предстоя бо Престолу Господню, молишися о мне непотребнем и паче всех грешнейшем, да не изымет Преблагий души моея в день нечаяния моего и в день творения злобы. Не престай убо, умилостивляя Премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и имиже весть судьбами да спасет мя, да накажет ся зде по Своей неизреченной милости, но да не обличит и не истяжет мя онамо по Своему нелицеприятному правосудию, да сподобит мя покаяние принести, с покаянием оке Божественное Причащение достойнее прияти, о сем паче молю и таковаго дара всеусердно желаю. В страшный же час смерти неотступен буди ми, благий хранителю мой, прогоняя мрачныя демоны, имущия устрашити притрепетную душу мою, защити мя от тех ловления, егда имым преходити воздушная мытарства, да хранил! тобою, безбедно достигнута рая ми вожделенного, идеже лицы святых и горних сил непрестанно восхваляют Всечестное и Великолепое имя в Троице славимого Бога, Отца и Сына и Святого Духа, Емуже подобает честь и поклонение во веки веков. Аминь.