[Милана]

Молитва святым девяти мучникам, иже в Кизице; Феогниду (Феонию), Руфу, Антипатру, Феостиху, Артеме, Магну, Феодоту, Фавмасию и Филимону: 



О всехвалънии святии мученицы, доблественнии  раби Христовы, Феогниде, Руфе, Антипатре, Феостише, Артема, Магне, Феодоте, Фавмасие и Филимоне! Иже Христа ради от различных стран собрастеся, и Того Совершенного Бога и Человека дерзновенно в Кизице проповедаете, и принуждаемы бывшее пожрети кумиром, идолы попрасте и князя посрамисте, различных же томлений и огненного прещения не убоястеся, и по различием страдании острие меча посечени бысте, и кровь свою, яко воду за Христа пролияете, и той яко багряницею Церковь Христову, яко невесту, украсисте; Темже и ныне, неувядаемым венцем безсмергпныя славы увенчании, присно в неизглаголанней радости с лики ангельскими в небесных селениих водворяетеся, Божественным светом облестаеми и зрением Его доброты неизреченныя наслаждающеся. Сего ради и мы, смирении, к вам притекаем и умильно на святый ваш образ взирающе, молим вы: молите за ны Христа Бога, яко дерзновение к Нему имущий, да вашими святыми молитвами от всякаго недуга и вреда душевнаго и телеснаго избавимся, вам бо от Бога дадеся врачебный дар от всяких скорбей с верою к вам припадающия целити, якоже и онаго славнаго мужа от трясовичныя болезни уврачевасте; да и мы вернии, тожде получивше, почитаем вас, святии мученицы, толика дарования имущих от Христа Бога, Емуже слава, купно со Отцем и Святым Духом, всегда, ныне и присно и во веки веков. Аминь.