[Adora]

Молитва Пресвятой Богородице перед иконой «Млекопитателъница»

Приими Госпоже Богородительнице, слезная моления рабов твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила ecu Его, обаче матерния скорби и веси и немощи сынов и дщерей зриши. Темже тепле припадающе к цельбоносному образу Твоему и умиленно сей лобызающе молим Тя, Всемилостивая Владычице: нас грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившая их, от тяжкаго недуга и горькия скорби избави. 

Даруй нам здравие и благомощие, да питаемии от силы в силу возрастати будут, и питающий их исполнятся радостию и утешением, яко да и ныне предстательством Твоим из уст младенцев и сущих Господь совершит хвалу Свою. О Мати Сына Божия! Умилосердися на матери сынов человеческих и на немощныя люди Твоя: постигающия нас болезни вскоре исцели, надлежащия на нас скорби и печали утоли, не презри слез и воздыханий рабов твоих. Услыши нас в. день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко Престолу Сына Твоего и Бога нашего, да милостив будет ко грехам и немощем нашим и пробавит милость Свою ведущим имя Его, да и мы, и чада наша 
прославим Тя, Милосердую Заступницу и Верную Надежду рода нашего, во веки веков. 

Молитва Пресвятой Богородице перед иконой «Иверская»

О Пресвятая Госпоже Владычице Богородице, приими недостойную молитву нашу, и сохрани нас от навета злых человек и от напрасныя смерти, и даруй нам прежде конца покаяние, на моление наше умилосердися, и радости в печали место даруй. И избави нас, Госпоже, от всякия беды и напасти, скорби и печали и от всякого зла. И сподоби нас, грешных рабов Твоих, одесную стати во втором пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя, со всеми святыми в бесконечныя веки веков. Аминь.


Молитва Пресвятой Богородице перед иконой «Почаевская»

О Всемилостивая Госпоже, Царице и Владычице, от всех родов избранная, и всеми роды небесными и земными ублажаемая! Воззри милостивно на предстоящий пред святою иконою Твоей и усердно к Тебе молящийся народ сей, и сотвори предстательством и заступлением Твоим у Сына Твоего и Бога нашего, да никтоже примет отовсюду упования своего тощ и посрамлен в надежде своей, но да примет кийждо от Тебе вся, по благому изволению сердца своего и по нужде и потребе своей, во спасение души и во здравие телу. Призри благосердием, Всепетая Богородице, и на обитель сию, Твоим именем порицающуюся, юже от лет 
древних возлюбила ecu, избравши ее в достояние Себе, и неоскудно источающи токи исцелений от чудотворныя иконы Твоея и от приснотекущаго источника, в следе стопы Твоея, нам открытого, и сохрани ю от всякого прилога и навета вражия, якоже древле сохранила ecu Твоим явлением целу и неврежденну от лютаго нашествия агарянского, да выну воспевается и славится в ней Пресвятое имя Отца и Сына и Святого Духа, и Твое преславное успение, во веки веков. Аминь. 

Молитва Пресвятой Богородице перед иконой «Умягчение злых сердец»

О Многострадальная Мати Божия, превышая всех дщерей земли по чистоте Своей и по множеству страданий, Тобою на земли пренесенных! Прими 
многоболезненная воздыхания наша и сохрани нас под кровом Твоея милости, инаго бо прибежища и теплаго предстательства, разве Тебе не вемы, 
но, яко дерзновение имущи к Иже от Тебе Рожденному, помози и спаси ны молитвами Своими, да непреткновенно достигнем Царствия Небесного, идеже со всеми святыми будем воспевати хвалу в Троице Единому Богу, всегда, ныне и присно и во веки веков. Аминь.