[Adora]

Молитвенный свод обряда

1. Молитва Пресвятой Богородице «Смоленская» — 1 раз. 
2. Молитва Пресвятой Богородице «Взыскание погибших» — 1 раз. 
3. Молитва Пресвятой Богородице «Неопалимая Купина» — 1 раз. 
4. Молитва Пресвятой Богородице «Ахтырская» — 1 раз 

Молитва Пресвятой Богородице перед иконой «Смоленская»

О Пречудная и Превышая всех тварей Париже Богородице, Небеснаго Царя, Христа Бога нашего Мати, Пресвятая Одигитрие Марие! Услыши ны, грешныя и недостойныя, в час сей молящиеся и к Тебе со воздыханием и слезами умильно глаголющия: изведи нас от рова страстей, Одигитрие Благая, избави нас от всякия скорби и печали, огради от всякия напасти и злых клевет и от неправедного навета вражия. Можеши бо, о Благодатная Мати наша, не точию от всякого зла сохранити люди Твоя, но и всяким благодеянием снабдити и спасти, разве бо Тебе иныя предстательницы в бедах и обстояниях и теплыя ходатаицы о нас грешных к Сыну Твоему, Христу Богу нашему, не имамы. 

Егоже умоли, Владычице, спасти нас и Царствия Небеснаго сподобити, да спасении Тобою славим Тя и в будущем веце, якоже спасения нашего виновницу, и превозносим Всесвятое и Великолепое имя Отца и Сына и Святаго Духа, в Троице славимаго и поклоняемого Бога, во веки веков. Аминь. 

Молитва Пресвятой Богородице перед иконой «Взыскание погибших»

О Пресвятая и Преблагословенная Дево, Владычице Богородице, Споручнице грешных и Взыскание погибших! Призри милостивным Твоим оком на нас, предстоящих пред святою иконою Твоею и со умилением молящихся Тебе: воздвигни нас из глубины греховныя, просвети ум наш, омраченный страстьми и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице, Ты веси вся немощи и согрешения наша, к Тебе прибегаем и вопием: не остави нас Твоею небесною помощию, но предстани нам присно и твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая Помощница и Заступница всем притекающим к Тебе, и крепкое Прибежище грешников кающихся. Подаждь убо нам, Преблагая и Всенелорочная Дево, христианский конец живота нашего мирен и непостыден и сподоби нас Твоим ходатайством вселитися в обителех Небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно и во веки веков. Аминь.. 


Молитва Пресвятой Богородице перед иконой «Неопалимая Купина»

О Пресвятая и Преблагословенная Мати Сладчайшего Господа нашего Иисуса Христа! Припадаем и поклоняемся Тебе пред святою и пречистою иконою Твоею, еюже дивная и преславная чудеса содеваеши, от огненного запаления и молниеносного грома жилища наша спасавши, недужная исцелявши и всяко благо прошения наше во благо исполнявши.

Смиренно молим Тя, всесильная рода нашего Заступнице, сподоби ны, немощныя и грешныя, Твоего Матерняго участия и благопопечения. Спаси и сохрани, Владычице, под кровом милости Твоея Церковь Святую, обитель сию, всю страну нашу православную и вся ны, припадающе к Тебе с верою и любовию и умиленно просящия со слезами Твоего заступления. Ей, Госпоже Всемилостивая, умилосердися на нас, обуреваемых грехами многими и не имущих дерзновения ко Христу Господу просити Его о помиловании и прощении; но Тебе предлагаем к Нему на у моление, Матерь Его по плоти; Ты же, Всеблагая, простри к Нему Богоприимнеи руце Твои, и предстательствуй за нас пред благостию Его, просящи нам прощение прегрешений наших, благовестнаго мирного жития, 
благия христианския кончины и доброго ответа на Страшнем суде Его. В час же грозного посещения Божия, егда огнем возгорятся дома наши, или молниеносным громом устрашаеми будем, яви нам милостивное Твое заступление и державное вспоможение; да Спасаеми всесильными Твоими ко Господу молитвами, временного наказания Божия зде избегнем и вечное блаженство райское тамо унаследуем, и со всеми святыми воспоем Пречестное и Великолепое имя поклоняемыя Троицы, Отца и Сына и Святаго Духа, и Твое велие к нам милосердие, во веки веков. Аминь. 

Молитва Пресвятой Богородице перед иконой «Ахтырская» 

О Преблагословенная и Многомилостивая Владычице мира! Се мы, грешнии, на святый образ Твой взирающе и на нем Тя в скорби и сострадании распятому за нас Христу Спасителю предстоящу видяще, усердно молим Тя известную о нас к Сыну Твоему молитвенницу не остави нас в день испытаний и скорби, но во искушениих и напастех нам бываемых огради нас всечестным покровом твоим от враг видимых и невидимых и даждь нам силу, во еже всесовершенную и благую волю Творца и мира Владыки творити. Зриши бо, Милостивая Заступнице наша, колико грехам всяческим подвержены есмы: не токмо бо волею согрешаем, 
но и неволею в многоразличныя прегрешения впадаем. Сего ради к Тебе, державней устроительнице спасения христианского, прибегаем и умиленно вопием: ум наш познанием Божественныя истины просвети, сердце наше теплотою христианския любви и спасительных желаний согревай, волю оке нашу в нелицемерном заповедей Господних исполнении утверди. Ей, Госпоже Премилостивая, приникни с высоты небесныя к воздыханием и молитве нас, грешных: 
исцели болезни недужных, умири сердца озлобленных, даждь терпение страждущим, внуши страх Божий обидящим, укрепи гонимыя за правду, сироты и вдовы защити, подаждъ утешение плачущим, испроси прощение кающимся, демонскую же бурю страстей во грешных душах утиши и в сердцах чтущих Тя Христову кротость и любовь вкорени и духом милосердия и сострадания сия утверди: 

отпадшия же от веры еретики и отступники к познанию истины направи и уста нечестивых, хулящих Святую Церковь и веру православную поносящих загради. Отшедшим от жития сего отцем и братиям и сестрам нашим, о Мати Божия, прощение грехов и предначатие блаженства вечнаго испроси. Егда же и нашея кончины,час приближится, тогда убо, о Владычице, приими душу нашу и в сонме праведных сию упокой, идеже лицы Ангел и святых угодник немолчно славословят державу и милость Отца и Сына и Святаго Духа и Твое Матернее о нас предстателъство и заступление, ныне и присно и во веки веков. Аминь.