[Adora]

Молитва «Отче наш» 

Отче наш, Иже ecu на Небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Яко Твое есть Царство и Сила и Слава, Отца и Сына и Святаго Духа, ныне и присно и во веки веков. Аминь. 

Молитва Пресвятой Богородице перед иконой «Домостроительница» 

О Пречестная Владычице Богородице, Всечестная наша Мати, Игумение всех православных обителей иноческаго жития, во святей горе Афонстей и по всей Вселенней сущих! Приими смиренныя моления наша и принеси я ко Всещедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства, мы, окаянные, не возможем 
совершити свое спасение, яко окаляхом житие наше в суетах мирских, ибо время приближается жатвы Христовой и день Страшного суда приспе. Мы же, окаянныя, погибаем в бездне греховной, нерадения ради нашего, по реченному от святых отцев, первоначальников ангельского по плоти жития: яко последний монаси нерадением жития свого уподобятся мирским людем, еже и сбыется днесь, ибо иночество наше плавает житием своим на море житейстем среди великия бури и непогоды: ибо наши святыя обители в прахе пребывают грехов ради наших, Всеправедный Господь наш Иисус Христос тако благоволи, 
мы же, недостойнии, не имеем, где главы подклонити. 

О сладчайшая наша Мати Игумение! Собери ны, разсеянное стадо Христово, воедино и спаси всех православных христиан, сподоби райския жизни со Ангелы и всеми святыми во Царствии Христа Бога нашего, Емуже честь и слава со Безначальным Его Отцем и со Пресвятым и Благим и Животворящим Духом во веки веков. Аминь.