[Adora]

Молитва Архангелу Михаилу, Архистратигу Божьему


О святый Михаиле Архангеле, светлообразный и грозный Небесного Царя воеводо! Прежде Страшного суда ослаби ми покаятися от грехов моих, от сети ловящих избави душу мою и приведи к сотворившему ю Богу, сидящему на Херувимех, и молися о ней прилежно, да твоим ходатайством послет в место покойное. 
О грозный воеводо небесных сил, предстателю всех у Престола Владыки Христа, хранителю твердый всем человекам, и мудрый оружниче, крепкий воеводо Небесного Царя! Помилуй мя, грешного, требующаго твоего заступления, сохрани мя от всех видимых и невидимых враг, паче же подкрепи от ужасо смертного и от смущения диаволъскаго, и сподоби мя непостыдно предстати Создателю нашему в час Страшного и Праведного суда Его. 

О всесвятый великий Михаиле Архистратиже! Не презри мене, грешного, молящагося тебе о помощи и заступлении твоем в веце сем и будущем, но сподоби мя тамо купно с тобою славити Отца и Сына и Святого Духа во веки веков. Аминь. 

Молитва святым праведным Богоотцем Иоакиму и Анне, родителям Пресвятой Богородицы


О приснославнии Христовы праведницы, святии Богоотцы Иоакиме и Анна, предстоящий Небесному престолу Великого Царя и велие дерзновение к Нему имущий, яко от Преблагословенныя Дщери вашея, Пречистыя Богородицы и Приснодевы Марии, воплотитися изволившему! 
К вам, яко многомощным предстателем и усердным о нас молитвенником, прибегаем мы, грешнии и недостойнии. Молите благость Его, да отвратит от нас гнев Свой, по делом нашим праведно на ны движимый, и да безчисленныя прегрешения наша презрев, обратит нас на путь покаяния и на стези заповедей Своих да утвердит нас. Тоже молитвами вашими в мире живот наш сохраните и во всех благих благое поспешение испросите, вся яже к животу и благочестию потребная нам от Бога дарующее от всяких напастей и бед и напрасныя смерти предстательством вашим нас избавляющее, и от всех враг видимых и невидимых 
защищающее, яко да тихое и безмолвное житие поживем во всяком благочестии и чистоте, и тако в мире временное сие житие прешедше в вечный 
достигнем покой, идеже вашим святым умолением да сподобимся Небесного Царствия Христа Бога нашего, Емуже со Отцем и Пресвятым Духом подобает всякая слава, честь и поклонение во веки веков. Аминь.